ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަންގައި ޤާއިމުކޮށްފައިވާ ތަރުޖަމާނުންގެ ދަފްތަރުގައި ރަޖިސްޓްރީވުމުގެ ފުރުޞަތު މިއަދު ހުޅުވާލައިފިއެވެ. ބަސް ތަރުޖަމާކޮށްދޭ މީހުންގެ ޖަދުވަލަކާއި، ވާހަކަ ދެއްކުމުން މަހުރޫމުވެފައިވާ މީހުންގެ ތަރުޖަމާނުންގެ ޖަދުވަލެއް ހިމެނޭ މި ދަފްތަރުގައި ރަޖިސްޓްރީވުމަށް އެދި ހުށަހަޅާ ފަރާތްތަކުގެ ތެރެއިން ދަފްތަރުގައި ހިމަނަނީ، އެކަމަށްޓަކައި ކުރެވޭ އިންޓަވިއުއަށް ބަލައި، ތަރުޖަމާކުރުމުގެ ޤާބިލުކަން އެކަށޭނެ މިންވަރަކަށް ހުރި ފަރާތްތަކެވެ.
2017 ވަނަ އަހަރުގެ ފުރަތަމަ ކުއާޓަރ އާ އަޅާކިޔާއިރު،
ޝަރުޢީ ކޯޓުތަކާއި، އިދާރާތަކުގެ ރަސްމީ ގަޑި، ހެނދުނު 8:00 އިން މެންދުރު 14:00 އަށް ބަދަލުކުރުމަށް ދިވެހިރާއްޖޭގެ ސުޕްރީމް ކޯޓުގެ ފަނޑިޔާރުންގެ މަޖިލީހުން ނިންމަވައިފިއެވެ. މި ބަދަލާ އެއްގޮތަށް ޢަމަލުކުރަން ފަށާނީ 2018 އޯގަސްޓް 01 ވަނަ ދުވަހުން ފެށިގެންނެވެ.
ދިވެހިރާއްޖޭގައި ޤާނޫނީ ވަކީލެއްގެ ހައިސިއްޔަތުން މަސައްކަތްކުރުމުގެ ހުއްދަ ދިނުމުގެ ޤަވާޢިދު (ދިވެހިރާއްޖޭގެ ސުޕްރީމް ކޯޓުގެ ނަންބަރު 2015/SC-RU/03 ރޫލިންގ) ގެ 4 ވަނަ މާއްދާ އާއި 5 ވަނަ މާއްދާ އާ އެއްގޮތްވާ ގޮތުގެމަތީން 181 ފަރާތަކަށް ދިވެހިރާއްޖޭގައި ޤާނޫނީ ވަކީލެއްގެ ހައިސިއްޔަތުން މަސައްކަތްކުރުމުގެ ހުއްދަ މިރޭ ދެއްވައިފިއެވެ.
މާދަމާއަކީ ސަރުކާރުގެ އޮފީސްތަކާއި އިދާރާތަކަށް ރަސްމީ ބަންދު ދުވަހެއް ކަމަށް ހަމަޖެއްސެވުމާގުޅިގެން، ޝަރުއީ ދާއިރާގެ ކޯޓުތަކާއި އިދާރާތަކަށް ވެސް މާދަމާ އަކީ ރަސްމީ ބަންދު ދުވަހެކެވެ.
ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަންގެ ޖުޑީޝަލް އެޑްމިނިސްޓްރޭޓަރ އަލްފާޟިލް ޙަސަން ސަޢީދު ޙުސައިން 2018 ޖުލައި 10 ވަނަ ދުވަހުން ފެށިގެން އެ މަޤާމުން ވަކިކޮށްފިއެވެ.
މި ޑިޕާޓްމަންޓުގެ ތިރީގައި މި ދަންނަވާ މަޤާމުތަކަށް ކުރިމަތިލުމުގެ ފުރުޞަތު ވަނީ ހުޅުވައިލެވިފައެވެ.
1- ޑެޕިއުޓީ ޑިރެކްޓަރ
2- އެސިސްޓެންޓް ޕްރޮޖެކްޓް އޮފިސަރ
3- ހައުސްކީޕަރ
4- ޑިއުޓީ އޮފިސަރ
ޤަޟާއީ އަހަރު އިފްތިތާޙްކުރުމުގެ ރަސްމިއްޔާތާގުޅިގެން ކުރިޔަށް ގެންދިއުމަށް އިންތިޒާމްކުރި ފަނޑިޔާރުންގެ ޤައުމީ މަހާސިންތާ 2018 ނިމިއްޖެއެވެ.
2018 ޖުލައި 02 އިން 03 އަށް ކުރިއަށް ގެންދެވުނު މި މަހާސިންތާއަކީ، ޝަރުޢީގޮތުންނާއި އިދާރީގޮތުން ކޯޓުތަކަށް ދިމާވަމުންދާ ދަތިތައް ދެނެގަނެ، އެ ކަންތައްތައް ޙައްލުކުރެވިދާނެ ގޮތްތަކާގުޅޭގޮތުން ޝަރުޢީ ދާއިރާގެ ފަނޑިޔާރުންނާއި ދައުލަތުގެ ކަމާގުޅުންހުރި އިދާރާތަކުގެ މެދުގައި މަޝްވަރާކޮށް، އެ ކަންކަން ޙައްލުކުރުމުގައި ޢަމަލުކުރެވިދާނެ ގޮތްތަކަކީ ކޮބައިކަން ދެނެގަތުމުގެ މަޤުޞަދުގައި ބޭއްވުނު ބައްދަލުވުމެކެވެ.
2018 މާރިޗު 12 ވަނަ ދުވަހުން ފެށިގެން ދިވެހިރާއްޖޭގެ ކޯޓުތަކުގައި ވަކާލާތުކުރުން މަނާކުރެވުނު ޤާނޫނީ ވަކީލު އަލްއުސްތާޛު ޢަލީ ޙުސައިންގެ މައްސަލަ ބެލުމަށްފަހު، ދިވެހިރާއްޖޭގެ ކޯޓުތަކާއި ޓްރައިބިއުނަލްތަކުގައި ވަކާލާތުކުރުން ވަގުތީގޮތުން މަނާކުރެވިފައި އޮތްއޮތުން ނިމުމަކަށް ގެނެސް، އަލްއުސްތާޛު ޢަލީ ޙުސައިން އަކީ، 2018 ޖޫން 11 ވަނަ ދުވަހުން ފެށިގެން ދިވެހިރާއްޖޭގައި ޤާނޫނީ ވަކީލެއްގެ ހައިސިއްޔަތުން ވަކާލާތުކުރުން މަނާކުރެވިފައިވާ ފަރާތެއް ނޫން ކަމަށް، ދިވެހިރާއްޖޭގެ ސުޕްރީމް ކޯޓުގެ ފަނޑިޔާރުންގެ މަޖިލީހުން ނިންމަވާފައިވާތީ އެކަން ވަނީ ޢާންމުކޮށް އަންގައި އިޢުލާނުކުރެވިފައެވެ.
