ތަރުޖަމާނުންގެ ދަފްތަރުގައި ރަޖިސްޓްރީވުމަށް އެދި ހުށަހެޅުމުގެ ފުރުޞަތު

ފަސޭހަކަމާއެކު ޢަދުލު އިންޞާފަށް ވާޞިލުވުމުގެ މަގު ފަހިވެފައިވާކަން ކަށަވަރުކުރުމުގެ ގޮތުން، ޝަރީޢަތް ކުރެވޭ ބަސް ނޭނގޭ އަދި ވާހަކަދެއްކުމާއި، އަޑު އިވުމުން މަޙްރޫމްވެފައިވާ ޚަޞްމުންނާއި، ހެކިންނާއި، ޚަބީރުންނަށް ތަރުޖަމާނުންގެ އެހީތެރިކަން ޝަރުޢީ ކޯޓުތަކުން ދަނީ ފޯރުކޮށްދެމުންނެވެ، ވުމާއެކު، ޝަރުޢީ ކޯޓުތަކަށް ހުށަހެޅޭ މައްސަލަތަކާ ގުޅިގެން ތަރުޖަމާނުން ހަމަޖައްސަން ޖެހޭ ޙާލަތުތަކުގައި، ފަސޭހަކަމާއެކު ތަރުޖަމާނުން ހަމަޖެއްސުމުގެ މަގު ޝަރުޢީ ކޯޓުތަކަށް ފަހިކޮށްދިނުމަށްޓަކައި މިޑިޕާޓްމަންޓުގައި ވަނީ ތަރުޖަމާނުންގެ ދަފްތަރެއް ޤާއިމުކޮށްފައެވެ. މި ދަފްތަރުގައި ހިމެނެނީ:

އިތުރަށް ވިދާޅުވުމަށް...

ޝަރުޢީ ދާއިރާގައި މަސައްކަތްކުރައްވާ މާބަނޑު މުވައްޒަފުން މަަސައްކަތަށް ނިކުތުމުގައި ހަމަޖައްސައިދީފައިއޮތް ލުއިގޮތް ނިމުމަކަށް ގެނައުން

މިދުވަސްވަރު މާލޭގައި ހަލުވިކަމާއެކު ފެތުރެމުންދާ ރޯގާއާ ގުޅިގެން، މުސާރައާއި ޢިނާޔަތްތައް ލިބޭގޮތަށް، 2017 މާރިޗު 16 ވަނަ ދުވަހުގެ ފެށިގެން ޝަރުޢީދާއިރާގެ ކޯޓުތަކާއި އިދާރާތަކުގައި މަސައްކަތްކުރައްވާ މާބަނޑު މުވައްޒަފުން މަސައްކަތަށް ނުނިކުންނަ ގޮތަށް ހަމަޖައްސާފައިއޮތް އޮތުން ނިމުމަކަށް ގެނެސް، 2017 މާރިޗު 27 ވާ ހޯމަދުވަހުން ފެށިގެން އަލުން މަސައްކަތަށް ނުކުންނަގޮތަށް ވަނީ ހަމަޖައްސާފައެވެ.

ޝަރުޢީ ދާއިރާގައި މަސައްކަތްކުރައްވާ މާބަނޑު މުވައްޒަފުން މަސައްކަތަށް ނުނިކުންނަ ގޮތަށް ހަމަޖެއްސުން

މިދުވަސްވަރު މާލޭގައި ހަލުވިކަމާއެކު ފެތުރެމުންދާ ރޯގާއިން އެންމެ ނުރައްކާތެރި ޙާލަތު މެދުވެރިވާ މީހުންގެ ތެރޭގައި މާބަނޑު މީހުން ހިމެނޭތީ، ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނުން ވަކިގޮތެއް އަންގަންދެން، މުސާރައާއި ޢިނާޔަތްތައް ލިބޭގޮތަށް، ޝަރުޢީ ދާއިރާގެ ކޯޓުތަކާއި އިދާރާތަކުގައި މަސައްކަތްކުރައްވާ މާބަނޑު މުވައްޒަފުން މިއަދުން ފެށިގެން މަސައްކަތަށް ނުނިކުންނަ ގޮތަށް ހަމަޖެއްސުމަށް ދިވެހިރާއްޖޭގެ އުއްތަމަފަނޑިޔާރު އޮނަރަބަލް އަލްއުސްތާޛު ޢަބްދުﷲ ސަޢީދު ވަނީ އެދިވަޑައިގެންފައެވެ. އެހެންކަމުން، ޝަރުޢީ ދާއިރާގައި މަސައްކަތްކުރައްވާ މާބަނޑު މުވައްޒަފުންގެ ސަލާމަތާއި ރައްކާތެރިކަމަށްޓަކައި ރާއްޖޭގެ ހުރިހާ ކޯޓުތަކުން މި ފިޔަވަޅު އަޅައިދިނުމަށް މި ޑިޕާޓްމަންޓުން މިހާރު ވާނީ ކޯޓުތަކުގައި އެދިފައެވެ.

ވަރިކައިވެންޏާގުޅޭ މަޢުލޫމާތު ބެލެހެއްޓުމަށް ޓޭޑާބޭސްއެއް ތައްޔާރުކުރަނީ

ޝަރުޢީ ދާއިރާގެ ފަރާތުން ބަލަހައްޓަމުންގެންދާ ވައިޓަލް ސްޓެޓިސްޓިކްސް ގެ ވަރި ކައިވެންޏާ ބެހޭ މަޢުލޫމާތު ބެލެހެއްޓުމަށްޓަކައި ޚާއްޞަ ޑޭޓާބޭސްއެއް ތައްޔާރުކުރުމުގެ މަސައްކަތް ވަނީ ރޭވިފައެވެ.

ވަރި ކާވެންޏާގުޅޭ މަޢުލޫމާތަކީ ދުވަހުން ދުވަހަށް އަޕްޑޭޓްކުރެވި އެކަމާ ގުޅުންހުރި މުއައްސަސާތަކަށް ރިއަލްޓައިމްކޮށް ލިބުން މުހިންމު  މަޢުލޫމާތެކެވެ. ސަބަބަކީ މި މަޢުލޫމާތަކީ ދައުލަތުގެ ބައެއް މުއައްސަސާތަކުން ކުރިއަށް ގެންދާ އިޖުތިމާޢީ ކަންކަމާ ނުވަތަ ޙަރަކާތްތަކާ ގުޅި ލާމެހިފައިވާ ކަމަކަށްވުމެވެ.

ކަންމިހެން އޮތުމާއެކު، މި ޑޭޓާބޭސް ވީ އެންމެ އަވަސް މުއްދަތެއްގައި ތައްޔާރުކޮށް މި އަހަރުގެ ތެރޭގައި ޝަރުޢީދާއިރާގެ ހުރިހާ ކޯޓުތަކެއްގައި މި ޑޭޓާބޭސް ބޭނުންކުރެވޭނެ އިންތިޒާމްތައް ހަމަޖެއްސުމަށް ވަނީ ތާވަލުކުރެވިފައެވެ.

އިތުރަށް ވިދާޅުވުމަށް...

އަލްމަރްހޫމާ ޢާއިޝަތު ވަޙީދާގެ ހަނދާނުގައި

FDI 7664

ދައުލަތަށާއި ޝަރުޢީދާއިރާއަށް  އަގުހުރި ޚިދުމަތްތަކެއް ކޮށްދެއްވަމުންގެންދެވި މ.އިރާކުމާގެ އަލްމަރުޙޫމާ ޢާއިޝަތު ވަޙީދާ 2017 މާރިޗު 01 ވަނަ ދުވަހުގެ ފަތިހުގެ ވަގުތެއްގައި ދެމިއޮތުމުގެ ޢާލަމަށް ދަތުރުކުރައްވައިފިއެވެ. ނިޔާވިއިރު ޢުމަރުފުޅަކީ 58 އަހަރެވެ.

އިތުރަށް ވިދާޅުވުމަށް...

"މިއަދަކީ ކޯޓުތަކުގައި ހުޅުޖެހި ދުވަސް"

posterpng

2012 ވަނަ އަހަރުގެ ފެބްރުވަރީ މަހުގެ 08 ވަނަ ދުވަހަކީ ދިވެހިރާއްޖޭގެ ޝަރުޢީދާއިރާއަށް ވަރަށް ހިތާމަވެރި ބަނަދުވަހެކެވެ. މި ދުވަހު 08 ކޯޓުގައި ހުޅުޖަހައި އެތަންތާގައި ހުރި ރައްޔިތުންގެ ޙައްޤުތަކާގުޅޭ ހުރިހާ ލިޔުމެއް ނައްތާލައި، 70 އަހަރު ވަންދެން ރައްކާކުރެވިފައިވާ ޝަރުޢީ ލިޔުންތައް ވަނީ އަބަދަށްޓަކައި ނައްތާލާފައެވެ.

މި ޙާދިސާއަށް މިއަދަށް 05 އަހަރު ވެފައިވާއިރު އަންދާލި ކޯޓުތަކުގެ ތެރެއިން ބައެއް ތަންތަން އަދިވެސް ވަނީ މަރާމާތު ނުކުރެވިއެވެ. މި ޓެރަރިސްޓް ހަމަލާގެ ސަބަބުން ޝަރުޢީދާއިރާގެ އުމުރާނީ ތަރައްޤީ ވަނީ އެތަށް އަހަރެއް ފަހަތަށް ޖައްސާލާފައެވެ. އަދި މިފަދަ ބަނަދުވަހެއް ތަކުރާރު ވިޔަނުދިނުމަކީ ޝަރުޢީދާއިރާގެ އިލްތިމާސެކެވެ.

އަޅުގަނޑުމެންގެ މިއަދުގެ ދުޢާއަކީ ފަނޑިޔާރުންނާއި، ފަނޑިޔާރުގެތައް އަދުއްވުންގެ ޙަމަލާތަކުން މާތްﷲ ރައްކާތެރިކޮށްދެއްވުމެވެ.

އާމީން.


ރިޕޯޓް ވިދާޅުވުމަށް މި ލިންކަށް ފިއްތާލައްވާ


"ސްޓްރެންތެނިންގ ޖުޑީޝަލް އެޑްމިނިސްޓްރޭޝަން – ސްޓްރީމްލައިނިންގ ފޮރ ހައި-ޕަރފޯމަންސް" ކޮންފަރެންސް ފަށައިފި

session1

"ސްޓްރެންތެނިންގ ޖުޑީޝަލް އެޑްމިނިސްޓްރޭޝަން – ސްޓްރީމްލައިނިންގ ފޮރހައި-ޕަރފޯމަންސް" ކޮންފަރެންސް އިސްލާމީ މަރުކަޒުގެ ޖަލްސާކުރާ މާލަމްގައި ފަށައިގެން މިހާރު ކުރިޔަށްއެބަދެއެވެ.

އިތުރަށް ވިދާޅުވުމަށް...

ސްޓްރެންތެނިންގ ޖުޑީޝަލް އެޑްމިނިސްޓްރޭޝަން – ސްޓްރީމްލައިނިންގ ފޮރ ހައި-ޕަރފޯމަންސް ކޮންފަރެންސް ދިވެހިރާއްޖޭގެ އުއްތަމަފަނޑިޔާރު އިފްތިތާޙްކޮށްދެއްވައިފި

JDC2

"ސްޓްރެންތެނިންގ ޖުޑީޝަލް އެޑްމިނިސްޓްރޭޝަން – ސްޓްރީމްލައިނިންގ ފޮރހައި-ޕަރފޯމަންސް" ކޮންފަރެންސް ދިވެހިރާއްޖޭގެ އުއްތަމަފަނޑިޔާރު އޮނަރަބަލް އަލްއުސްތާޛު ޢަބަދުﷲ ސަޢީދު އިފްތިތާޙްކޮށްދެއްވައިފިއެވެ.

އިތުރަށް ވިދާޅުވުމަށް...

"ސްޓްރެންތެނިންގ ޖުޑީޝަލް އެޑްމިނިސްޓްރޭޝަން – ސްޓްރީމްލައިނިންގ ފޮރ ހައި-ޕަރފޯމަންސް" ކޮންފަރެންސް ބާއްވަނީ

StrengtheningJud-adm2017

އޯގަނައިޒޭޝަނަލް ނޮލެޖް މެނޭޖްމަންޓްގެ ބެސްޓް ޕްރެކްޓިސްތަކާ އެއްގޮތަށް ޝަރުޢީ ދާއިރާގެ ހިއުމަން ރިސޯސްގެ ބޭނުން އެންމެ ހެޔޮގޮތުގައި ހިފޭނެ ގޮތްތައް ފާހަގަކޮށް، ހައި-ޕަރފޯމަންސް ޖުޑީޝަރީއެއް ބިނާކުރުމަށްޓަކައި ޤާއިމުކުރަންޖެހޭ މުހިންމު ސިފަތައް އަމިއްލަކުރެވިދާނެ ގޮތްތައް ދެނެގަތުމުގެ ބޭނުމުގައި، "ސްޓްރެންތެނިންގ ޖުޑީޝަލް އެޑްމިނިސްޓްރޭޝަން – ސްޓްރީމްލައިނިންގ ފޮރ ހައި-ޕަރފޯމަންސް" ގެ  ނަމުގައި ކޮންފަރެންސް އެއް ބާއްވާގޮތަށް ވަނީ ހަމަޖެހިފައެވެ.

2017 ފެބްރުވަރީ 05 ވަނަ ދުވަހު ކުރިއަށް ގެންދިއުމަށް ތާވަލުކުރެވިފައިވާ، މި ކޮންފަރެންސްގައި ދިވެހިރާއްޖޭގެ ސުޕްރީމް ކޯޓުގެ ފަނޑިޔާރުންނާއި، ދިވެހިރާއްޖޭގެ ހައިކޯޓާއި ސުޕީރިއަރ ކޯޓުތަކުގެ އިސް ފަނޑިޔާރުންނާއި، ދިވެހިރާއްޖޭގެ ޖުޑީޝަލް އެކަޑަމީގެ އެކްޓިންގ ޗާންސެލަރ އާއި، ދިވެހިރާއްޖޭގެ ސުޕްރީމް ކޯޓުގެ ރަޖިސްޓްރަރ އާއި، ސުޕީރިއަރ ކޯޓުތަކުގެ ކޯޓު އެޑްމިނިސްޓްރޭޓަރުންނާއި، ދިވެހިރާއްޖޭގެ ސުޕްރީމް ކޯޓާއި، ހައިކޯޓާއި، ސުޕީރިއަރ ކޯޓުތަކުގެ ބަޖެޓް އަދި އެޗް.އާރު ގެ އިސް ބައެއް ބޭފުޅުން ބައިވެރިވެވަޑައިގަންނަވާނެއެވެ.

އިތުރަށް ވިދާޅުވުމަށް...

"ލޯ ރިޕޯޓް ޑޭޓާބޭސް" ގެ މޯބައިލް އެޕްލިކޭޝަން ތަޢާރަފުކޮށްފި

Lawreports-MobileApplication

ލޯ ރިޕޯޓް ޑޭޓާބޭހަކީ، ދިވެހިރާއްޖޭގެ ޤާނޫނުއަސާސީއާއި ޤާނޫނުތަކާއި ޤަވާއިދުތަކާއި އަދި ޤާނޫނާ ޤަވާއިދުތަކާ ޙަލާދީ، ދިވެހިރާއްޖޭގެ ސުޕްރީމް ކޯޓާއި ހައިކޯޓުތަކުން ކޮށްފައިވާ ޙުކުމްތައް ފެންނަން ހުންނާނޭހެން ތައްޔާރުކުރެވިފައިވާ ޑޭޓާބޭހެކެވެ.

ޤާނޫނުތައް ގިންތިކޮށްގެން ތައްޔާރުކޮށްފައިވާ މި ޑޭޓާބޭސްގައި، ކޮންމެ ޤާނޫނެއްވެސް ފެނިގެންދާއިރު، އެ ޤާނޫނަށް އިޞްލާޙެއް އައިސްފައިވާނަމަ، އެ އިޞްލާޙެއް އައިސްފައިވާކަން، ވާތްފަރާތުގެ މަތީގައިވާ "އިތުރު މައުލޫމާތު" ލިންކްއިން ހައިލައިޓްވެފައި ހުރެއެވެ.

އިތުރަށް ވިދާޅުވުމަށް...

ކޯޓުތަކަށް ހުށަހެޅުނު އަދި ނިންމި މައްސަލަތަކުގެ ޢަދަދު 20000 އަށްވުރެ މަތީގައި

Stat2016-01

2015 ވަނަ އަހަރާ އަޅައިބަލާއިރު 2016 ވަނަ އަހަރު ކޯޓުތަކަށް ހުށަހެޅުނު މައްސަލަތަކުގެ ޢަދަދު ވަނީ ރެކޯޑް މިންވަރަކަށް އިތުރުވެފައެވެ. 2015 ވަނަ އަހަރުގެ ނިޔަލަށް ދަށު ކޯޓުތަކަށް ހުށަހެޅިފައި ވަނީ 17712 މައްސަލައެވެ. އެހެންނަމަވެސް 2016 ވަނަ އަހަރުގެ ނިޔަލަށް 20116 މައްސަލަ ވަނީ ހުށަހެޅިފައެވެ. މިއީ މިހާ ގިނަ މައްސަލަ ކޯޓުތަކަށް ހުށަހެޅުނު ފުރަތަމަ ފަހަރެވެ. އަދި މިއަހަރުގެ ތެރޭގައި ކޯޓުތަކުން ނިންމި މައްސަލަތަކުގެ ޢަދަދުވެސް ވަނީ 20000 ވުރެ އިތުރުވެފައެވެ.

2016 ވަނަ އަހަރުގައި ދަށުކޯޓުތަކަށް ހުށަހެޅުނު މައްސަލަތައް

2016 ވަނަ އަހަރުގައި ދަށުކޯޓުތަކަށް ހުށަހެޅުނު މައްސަލަތަކުގެ އަދަދު 2015 ވަނަ އަހަރުގައި ހުށަހެޅުނު މައްސަލަތަކުގެ އަދަދަށްވުރެ 13.6% ވަނީ އިތުރުވެފައެވެ. އެގޮތުން 2015 ވަނަ އަހަރުގައި 17712 މައްސަލަ ދަށު ކޯޓުތަކަށް ހުށަހެޅިފައިވާއިރު، 2016 ވަނަ އަހަރުގައި ދަށުކޯޓުތަކަށް 20116 މައްސަލަ ހުށަހެޅިފައިވެއެވެ. މިއީ 2015 ވަނަ އަހަރާ އަޅައިބަލާއިރު 2404 މައްސަލައިގެ އިތުރުވުމެކެވެ.

2016 ވަނަ އަހަރަކީ ޝަރުޢީ ކޯޓުތަކަށް 20000 ވުރެ ގިނައިން މައްސަލަ ހުށަހެޅުނު ފުރަތަމަ އަހަރެވެ.

އިތުރަށް ވިދާޅުވުމަށް...

ފަހުގެ ޚަބަރުތައް